شهادات متدربين سابقين

ما قاله من خاضوا الرحلة معي

هنا أشاركك أصوات النساء والرجال الذين مشوا هذا الطريق معي.
بعضهم دخلوا من باب الألم، وبعضهم من باب الأسئلة.
لكنهم جميعًا خرجوا منه أكثر اتصالًا بذاتهم، أكثر وعيًا، وأكثر حُبًا لأنفسهم.

شهادات مكتوبة

“ما توقعت إن جلسات ريم تغيّرلي كل هالقد. كنت فاكرة إنه مجرد حكي،
بس اكتشفت أشياء عن نفسي ما كنت بعرفها.
حسّيت حالي عم بطلع من قوقعة كنت فيها سنين.”
— هبة. س

“أكتر شي حبّيتُه إن ريم ما بتحكم ولا بتعطيك حلول جاهزة،
بس بتخليك تلاقي الإجابة جواك. أنا هلأ بعرف شو بدي،
وعم بعيش حياتي حسب طاقتي وقيمي.”
— نورا

“كانت الجلسة معي وريم نقطة تحول. كنت أفكر إني ضعيفة…
طلع أنا بس مش سامعة صوتي من كتر الضجيج.”
— أسماء، رام الله

“كنت مفكرة إنه مشاكلي معقدة وما إلها حل، بس خلال مسار التدريب،
حسّيت كأنه انفتح باب كنت مسكراه بإيدي! كل إشي كان جواي، بس ما كنت شايفته.
طريقة ريم بأسئلتها وطريقتها بالهدوء خلتني أستوعب أمور كنت دايمًا أهرب منها.
لأول مرة بحس إنه عندي سيطرة على حياتي، حتى لو التحديات بعدها موجودة.”
— إيمان. ج

“كل ما بصير معي إشي، بلاقي كلام ريم قدامي. انتبهت لكتير أمور بحياتي ما كنت أحس بقيمتها،
وبطّلت آخد أشياء كأنها مفهومة ضمناً.
صرت أقدّر التفاصيل الصغيرة، ومزاجي صار رايق دايمًا.
دوامة التفكير اللي كانت براسي خفّت بشكل كبير. مبسوط خير الله من ريم،
ومن التغيير اللي صار بحياتي من بعد معرفتها.”
— وسيم، حيفا

“كنت حاسس حالي ضايع، مش فاهم شو بدي أو من وين أبدأ.
بس من أول جلسة مع ريم، صرت ألاحظ أشياء ما كنت منتبهلها من قبل.
كأنه حدا سلّطني ضوء داخلي وخلاني أوقف قدام مرايتي الحقيقية.
التغيير ما كان بس بأفكاري…
صار فيني طاقة جديدة، رغبة أواجه اللي كنت أهرب منه.
حسّيت لأول مرة إنه التغيير مش مستحيل.”
— علاء، حيفا

كنت مترددة أبدأ، بس هلأ بقول يا ريت بلّشت من قبل!
حسّيت حالي لأول مرة بآمن بنفسي.
حسّيت حالي عم بطلع من قوقعة كنت فيها سنين.”
— حنان. حيفا

مقتطفات من محادثات واتساب

ريم!! لازم أحكيلك… طبّقت التمرين تبع الحدود وصار شي ما توقعتو أبدًا! 😭
حسّيت إني لأول مرة حطّيت نفسي أولًا بدون تأنيب ضمير. شكراً إلك 💜

هاي ريم، بس بدي أحكيلك إنو بعد الجلسة نمت وأنا مرتاحة بطريقة ما حسّيت فيها من سنين.
ما بعرف شو صار، بس واضح في شي بدا يتغيّر جوّا.

قصص الآخرين قد لا تكون قصتك تمامًا…
لكنها قد تكون المفتاح
لباب كنت تخاف فتحه.

هل أنت مستعد لأن تكتب قصتك؟

“أحيانًا كل اللي بنحتاجه مش حل… بس شخص يسمعنا بصدق،
ويشوفنا بوضوح.
خلي هاي الجلسة تكون البداية.”